Sulmet e Ukrainës ndaj marinës ruse në Detin e Zi kanë penguar përpjekjet e Moskës për luftë, tha të martën presidenti Volodymyr Zelensky, duke kërkuar të mbledhë trupat e tij edhe pse bota e jashtme pret suksese të menjëhershme.
Pavarësisht ofensivës rraskapitëse disamujore të Kievit, vija e madhe e frontit në lindje dhe jug të Ukrainës ka lëvizur pak gjatë vitit të kaluar, duke nxitur kritika dhe padurim në mesin e disa prej aleatëve perëndimorë të Ukrainës.
“Ne jetojmë në një botë që mësohet me suksesin shumë shpejt. Kur filloi pushtimi në shkallë të gjerë, shumë njerëz në mbarë botën nuk besuan se Ukraina do të mbijetonte,” tha Zelensky në fjalimin e tij të natës me video.
“Lavdi të gjithë atyre që nuk tërhiqen, që nuk digjen, që besojnë në Ukrainë ashtu si më 24 shkurt dhe që kanë luftuar”.
Lufta, të cilën Rusia e nisi më 24 shkurt 2022, tashmë është në muajin e 20-të dhe nuk i duket fundi. Forcat ruse janë përgatitur për sulme të reja në seksione të ndryshme të frontit dhe po pësojnë humbje të mëdha.
Zelensky tha se trupat e tij kanë arritur të zvogëlojnë forcën ushtarake të Moskës në Detin e Zi, gjë që ai tha se me mbështetje më të madhe nga aleatët e Kievit mund të çojë në fitoren përfundimtare të Ukrainës ndaj Rusisë, shkruan Reuters.
