Gjashtë fëmijë do të kthehen në Ukrainë nga Rusia sipas një marrëveshjeje të ndërmjetësuar nga Katari, tha sot një zyrtar i Katarit, ndërsa një burim i përfshirë në organizimin e kthimeve deklaroi se fëmijët po qëndronin me të afërmit në Rusi ose në një objekt të kontrolluar nga Rusia.
Fëmijët janë rrugës për në Ukrainë nëpërmjet Moskës, shtoi burimi.
Kjo është faza e dytë e një operacioni të kthimit të fëmijëve të ndërmjetësuar nga Katari, pasi pesë të mitur u kthyen në tetor. Negociatat për kthimin e fëmijëve kanë filluar të paktën që nga prilli i këtij viti.
Katari kishte rënë dakord me një kërkesë të Ukrainës për të ndërmjetësuar me Rusinë për t’i kthyer fëmijët në familjet e tyre të afërta, gjatë një vizite në korrik 2023 në Ukrainë nga kryeministri i Katarit, Sheikh Mohammed bin Abdulrahman al-Than
