Rusia zotohet të përgjigjet nëse BE-ja përdor asetet e saj të ngrira për mbështetjen e Ukrainës
Moska është zotuar të përgjigjet në të njëjtën mënyrë nëse Bashkimi Evropian përdor asetet e ngrira ruse për të paguar për rindërtimin e Ukrainës.
BE-ja ka propozuar përdorimin e të ardhurave të krijuara nga afërsisht 300 miliardë dollarë të fondeve rezervë të bankës qendrore ruse të ngrira pas pushtimit të Ukrainës vitin e kaluar, raporton Sky News, përcjell Bota sot.
Ministri rus i financave Anton Siluanov tha për kanalin "Russia 24" se vendi i ka ngrirë asetet e veta përmes kundërmasave.
“Shifrat nuk janë të vogla, të ardhurat nga përdorimi i këtyre fondeve janë të konsiderueshme dhe sigurisht që mund të përdoren edhe nëse merret një vendim nga partnerët tanë jomiqësorë”, tha ai.
Më herët, ministri i jashtëm rus Sergei Lavrov i quajti udhëheqësit gjermanë një "hajdutë" pasi prokurorët në vend njoftuan planet për të konfiskuar më shumë se 720 milion euro të fondeve të ngrira ruse.
Tre persona u vranë në sulmet ruse në minierat e qymyrit në Ukrainë
Tre persona janë vrarë dhe pesë janë plagosur në një sulm me bomba ruse në rajonin lindor të Donetskut të Ukrainës.
Ministri i Brendshëm Ihor Klymenko, tha në Telegram se dy bomba ajrore goditën një minierë në qytetin Toretsk dje, duke vrarë një person dhe duke plagosur dy të tjerë, raporton Sky News, përcjell Bota sot.
Sulmi e la kompaninë pa energji, që do të thotë se 32 minatorë duhej të shpëtoheshin.
Dy bomba të tjera goditën një minierë tjetër në zonë, duke lënë dy persona të vdekur dhe duke plagosur tre të tjerë, tha zoti Klymenko.
Ndërtesat administrative dhe pajisjet janë dëmtuar si pasojë e sulmit të dytë, shtoi ai.
Zyra e prokurorit të përgjithshëm ukrainas më vonë tha se ata që vdiqën ishin tre burra të moshës 41, 42 dhe 45 vjeç.
Presidenti hungarez thotë se e ka pranuar ftesën për takimin e Zelenskyt
Nga: A. Zh
Udhëheqësi nacionalist hungarez Viktor Orban, tha se ai ka pranuar një ftesë nga Volodymyr Zelensky për të mbajtur një takim dypalësh në një moment në të ardhmen.
Kjo do të shënonte takimin e parë zyrtar dypalësh midis dy liderëve që nga fillimi i luftës, raporton Sky News, përcjell Bota sot.
Orban tha se Zelensky propozoi takimin në fillim të këtij muaji dhe sugjeroi që dyshja duhet të "negociojnë".
"I thashë se do të jem në dispozicion të tij. Duhet të sqarojmë vetëm një pyetje: për çfarë?", tha ai.
Orban pohoi se presidenti ukrainas donte të diskutonte ofertën e Ukrainës për t'u bashkuar me BE-në, një masë që Hungaria e kundërshton fuqishëm.
Më herët, Orban gjithashtu u duk se dha një shpjegim se pse ai bllokoi një paketë ndihme shumëvjeçare prej 50 miliardë eurosh për Kievin në fillim të këtij muaji.
Udhëheqësi hungarez tha se paratë për Ukrainën nuk duhet të vijnë nga buxheti qendror i BE-së dhe do të ishte "një vendim i keq".
Asnjë gjurmë nga Navalny, zëdhënësja e tij zbulon detaje tronditëse, ja pse Putin donte ta zhdukte patjetër para zgjedhjeve
Prej më shumë se dy javësh nuk ka asnjë gjurmë të Alexei Navalny, kundërshtarit më të njohur politik të Presidentit të Rusisë, Vladimir Putin. Të hënën e kaluar, aktivisti duhej të paraqitej në një gjykatë në Moskë për të marrë pjesë në seancat dëgjimore në një gjyq në lidhje me kushtet e burgut të tij, por gjyqtarët zgjodhën t'i pezullonin ato derisa "të përcaktohet vendndodhja e tij".
Vendimi erdhi pasi Mariana Katzarova, një zyrtare e Kombeve të Bashkuara, e quajti mungesën e Navalny një "zhdukje të detyruar". Mospasja e lajmeve nga Navalny nxit misterin.
Zëdhënësja e tij, Kira Jarmysh, tha se avokatët e Navalny ishin përpjekur të kërkonin informacion për të në më shumë se 200 burgje ruse, por pa marrë përgjigjet që shpresonin. Por kjo nuk është e gjitha. "Askush nuk e di se ku është, askush nuk e di se në çfarë gjendje është, madje nuk mund të jemi të sigurt se është ende gjallë dhe si të sigurohemi”, tha zëdhënësja për Zdf.
"Kremlini nuk donte që Alexei të bënte deklarata në këtë periudhë. Për këtë arsye jam i sigurt se Putini ka dhënë urdhër për ta transportuar diku", shtoi Jarmysh duke iu referuar rastësisë së zhdukja me njoftimet për fushatën e ardhshme presidenciale ruse.
Alexey Navalny ka qenë një kundërshtar i vazhdueshëm për qeverinë e Vladimir Putin. Ai u shpall fajtor të martën për mashtrim nga një gjykatë në Moskë. Ndonëse nuk lidhet drejtpërdrejt me pushtimin e Ukrainës, verdikti përkon me goditjen e gjerë të Putinit ndaj zërave të opozitës dhe mediave të pavarura gjatë katër javëve të fundit. Navalny fitoi vëmendje ndërkombëtare në gusht 2020 kur u sëmur gjatë një fluturimi nga Siberia në Moskë dhe ra në koma nga helmimi.
Ukraina pretendon për më shumë humbje ruse
Ushtria e Ukrainës po lëshon përditësime që janë goxha sfiduese, duke thënë se po ” e kthen mbrapa armikun” në Avdiivka, një qytet në vijën e frontit lindor.
Në një përditësim të veçantë, zëdhënësi Andriy Kovalov thotë se Rusia ka pësuar “1,080 humbje” gjatë ditës së kaluar.
Ai thotë se Ukraina shkatërroi gjithashtu 14 tanke ruse.
Poashtu edhe 31 automjete të blinduara luftarake, 20 sisteme artilerie, 48 makina, pesë njësi të pajisjeve speciale dhe njësi të tjera ushtarake, shkruan BBC.
