Norma e inflacionit në Gjermani ka shënuar një rritje të dukshme për herë të parë në shtatë muaj, pasi indeksi i çmimeve të konsumit (IÇK) u rrit në 3.7 për qind nga viti në vit në dhjetor, sipas të dhënave paraprake nga Enti Federal i Statistikave.
Kërcimi nga norma e inflacionit 3.2 për qind e nëntorit përputhet me parashikimet ekonomike. Në bazë mujore, IÇK-ja shënoi një rritje modeste prej 0.1 për qind nga nëntori, në përputhje me pritshmëritë e ekonomistëve, shkruan Euronews.
Një nxitës kritik i këtij presioni inflacioniste ishte rritja me 4.1 për qind e çmimeve të energjisë në krahasim me një vit më parë, duke ndalur atë që kishte qenë një deflacion dy mujor i çmimeve të energjisë.
Modelet e çmimeve të sektorit të energjisë u ndikuan ndjeshëm nga një efekt bazë për shkak të iniciativës “ndihma emergjente e dhjetorit”, një masë e njëhershme nga qeveria federale në dhjetor 2022 për të subvencionuar shpenzimet e gazit dhe ngrohjes shtëpiake. Ky veprim pati një efekt zbutës në shifrat e inflacionit për dhjetorin e vitit të kaluar, duke kontribuar kështu në rritjen krahasuese në dhjetor 2023.
