Qindra udhëtarë mbetën të bllokuar në automjetet e tyre në rrugët në shtetin qendror gjerman të Hesse pasi reshjet e borës mbuluan autostradën, duke çuar në bllokime trafiku dhe linja automjetesh që shtriheshin për milje.
Një zëdhënës i policisë tha se ka pasur disa kilometra bllokime trafiku në të gjitha autostradat. Sipas policisë, shumë njerëz nuk kanë mundur të vazhdojnë vozitjen në mëngjes për shkak të akullit në rrugë. Situata ishte “shumë problematike”, tha ai.
Shoferët e bllokuar do të vazhdojnë të furnizohen me pije nga Kryqi i Kuq Gjerman. Për më tepër, forcat nga Agjencia e Ndihmës Teknike janë në vend për të tërhequr ose shtyrë kamionët, raporton Bild.
Asgjë nuk po funksiononte mbrëmjen e së mërkurës: disa kamionë bllokuan korsitë për shkak të kushteve të motit.
Në shtetin federal të Turingisë, përveç borës, në rrugë ka pasur edhe akull, për këtë arsye një numër i madh kamionistësh kanë shtyrë udhëtimet e tyre, ndërsa në mëngjes raportohet se situata mund të përmirësohet.
Shërbimi Meteorologjik Gjerman (DVD) pret më shumë borë dhe paralajmëron se shoferët nga rajonet Eifel dhe Këln përmes maleve Rothar deri në Turingi duhet të përgatiten për “reshje bore të vazhdueshme dhe ndonjëherë të dendura”.
