LIVE: “Lufta e tretë botërore”, paralajmërimi i errët i Zelenskyt – Hipoteza e Putinit: Ky shtet është bërë një fuqi bërthamore!

Presidenti ukrainas, Volodymyr Zelensky bëri thirrje për mbështetje më të fortë ushtarake nga vendet perëndimore, duke paralajmëruar se nëse Ukraina nuk mund ta mposht Rusinë, konflikti do të përshkallëzohej në luftën e tretë botërore.

Duke folur për mediat gjermane, ai tha se kancelari gjerman, Olaf Scholz e kishte kuptuar më mirë natyrën reale të kërcënimit pas takimit të tyre në Berlin vitin e kaluar dhe se Gjermania kishte filluar të rrisë mbështetjen ushtarake.

“Përshtypja ime është se kancelari Scholz e kuptoi se Putini nuk është vetëm një emër, por një kërcënim dhe jo vetëm kërcënim për Ukrainën”, tha udhëheqësi ukrainas për presidentin rus në një intervistë me transmetuesin publik ARD.

Ai shtoi se vendet evropiane, kryesisht ato baltike, mund të jenë objektivi i ardhshëm i Rusisë.

“Unë mendoj se kancelari Scholz mendon se nëse nuk rezistojmë, Rusia do t’i afrohet më shumë Gjermanisë. Kancelari Scholz e kupton që ekziston një rrezik i tillë dhe është padyshim lufta e tretë botërore. Nëse Rusia godet këtë apo atë vend të NATO-s, Në çdo rast do të nënkuptonte fillimin e Luftës së Tretë Botërore”, tha lideri ukrainas.

Ndryshe, Zelensky përsëriti thirrjen për vendet perëndimore që të rrisin mbështetjen e tyre për Ukrainën dhe tha se pret që Gjermania të luajë një rol udhëheqës në Evropë për sa i përket mbështetjes ushtarake për vendin e tij.

Në raportin e fundit ditor nga fronti ukrainas, Ministria e Mbrojtjes së Mbretërisë së Bashkuar vlerëson se forcat tokësore ruse kanë humbur 2600 tanke që nga fillimi i luftës me Ukrainën.

“Nga 24 shkurt 2022 deri më 25 janar 2024, Forcat Tokësore Ruse (RGF) ka të ngjarë të humbasin afërsisht 2600 tanke kryesore luftarake (MBT) dhe 4900 automjete të tjera të blinduara luftarake (ACV) në Ukrainë”, thuhet në raport.

Ata pretendojnë se ushtria ruse ka humbur 40 për qind më shumë të transportueve të personelit të blinduar në vitin 2023 sesa në 2022.

“Ka shumë të ngjarë që ulja e shkallës së konsumimit të automjeteve të blinduara të jetë për shkak të natyrës gjithnjë e më pozicionale të konfliktit në vitin 2023 dhe për shkak se Rusia kaloi një pjesë të konsiderueshme të vitit në një pozicion mbrojtës”, tha ai.

Ata theksojnë se që nga fillimi i tetorit i vitit 2023, Rusia ka qenë në ofensivë në lindje të Ukrainës.

“Gjatë kësaj periudhe, humbjet e automjeteve të blinduara ruse u rritën dhe ushtria ruse ndoshta humbi deri në 365 tanke dhe 700 automjete të blinduara luftarake, por bëri vetëm përfitime të vogla territoriale”, vlerësuan britanikët.

Megjithatë, autorët e raportit theksojnë se rusët mund të prodhojnë 100 tanke në muaj, gjë që u lejon atyre të ruajnë kapacitetet e tyre në front dhe të vazhdojnë nivelin aktual të aktiviteteve sulmuese. 

“Bjellorusia tashmë është bërë një fuqi bërthamore pasi është ndërtuar centrali bërthamor bjellorus me pjesëmarrjen e Rusisë.

Ky është një hap serioz përpara zhvillimit ekonomik dhe teknologjik”, ka thënë Presidenti rus Vladimir Putin gjatë një takimi me Këshillin e Lartë të Shtetit.

“Kjo është një lëvizje shumë serioze, duke pasur parasysh që jo vetëm u ndërtua një stacion, por siç themi gjithmonë, po krijohet një industri.

Dhe në këtë kuptim, Bjellorusia, është bërë “pushtet bërthamor” ky është një hap serioz për zhvillimin e ekonomisë dhe sferave shkencore”, theksoi më tej Putin.

Në përpjekje për të rritur transparencën në qeverinë e tij, presidenti ukrainas Volodymyr Zelensky ka zbuluar të ardhurat e tij personale për herë të parë që nga shpërthimi i luftës me Rusinë.

Sipas një deklarate në faqen e tij zyrtare, në vitin 2021, një vit para se Rusia të pushtonte Ukrainën, Zelensky dhe familja e tij raportuan të ardhura prej 10.8 milionë hryvnias (47,000 dollarë), 12 milionë hryvnia më pak nga viti i kaluar.

Në vitin 2022, viti i parë i pushtimit rus, të ardhurat e familjes Zelensky ranë në 3.7 milionë hryvnia pasi fituan më pak të ardhura nga qiratë nga pronat e tyre për shkak të armiqësive.

Megjithëse lufta i lejoi zyrtarët ukrainas të mos zbulonin informacione të ndjeshme personale, Zelensky u bëri presion atyre që të deklaronin publikisht pasuritë e tyre.

Rritja e transparencës dhe një goditje ndaj ryshfetit janë thelbësore për vendin e tij për të siguruar ndihmën e vazhdueshme financiare nga aleatët e tij perëndimorë, edhe pse më shumë se 100 miliardë dollarë fonde janë ngrirë për shkak të manovrave politike brenda SHBA-së dhe BE-së.

Zelensky fitoi shumë më tepër përpara se të hynte në politikë, kur ai ishte një shoëman dhe drejtonte një kompani të madhe produksioni.

Pasuria e tij totale

Që nga fillimi i luftës, pasuria neto e Zelensky ka qenë objekt debati dhe konspiracioni me shumë që sugjerojnë se presidenti ukrainas është një miliarder. Në analizën e tij në vitin 2022, Forbes hedh poshtë këto të dhëna duke theksuar se ndryshe nga paraardhësi i tij, Zelensky nuk ka qenë kurrë miliarder.

Në atë kohë pasuria e tij ishte rreth 20 milionë dollarë, sipas raporteve të Forbes Ukrainë, ndërsa Forbes US thotë më pak se 30 milionë dollarë.

Pasuria e tij kryesore: rreth 25% e aksioneve në Kvartal 95, një grup kompanish që prodhojnë shfaqje komedi, të cilat ai ua transferoi partnerëve të tij pasi u zgjodh president, megjithëse ka të ngjarë të rifitojë aksionet e tij pasi të largohet nga detyra.

Kvartal 95 prodhoi dhe zotëron serialin Shërbëtori i Popullit, një komedi politike popullore ku Zelensky luan rolin e një mësuesi të shkollës së mesme ukrainase që zgjidhet president.

Ndërsa ai ka një apartament në një nga ndërtesat më të shtrenjta të apartamenteve të Ukrainës në qendër të Kievit, ai është relativisht modest për standardet perëndimore.

Forbes vlerëson se i gjithë portofoli i pasurive të paluajtshme të Zelensky është me vlerë 4 milionë dollarë, duke përfshirë dy apartamente të tjera në pronësi të plotë, dy prej të cilave ai është bashkëpronar, një pronë e vetme tregtare dhe pesë vende parkimi.

Zelensky zotëronte një vilë 4.6 milionë dollarë në Forte dei Marmi, Itali që nga dhjetori 2019.

Çfarë zbuloi Forbes

Ai me sa duket e shiti atë në vitin 2020 së bashku me një ngastër të vogël toke dhe 5 dhoma hoteli në Gjeorgji.

Paratë nga këto shitje u deklaruan dhe u përfshinë në vlerësimin e Forbes, por duke qenë se shuma është më e vogël se vlera e vlerësuar e pasurisë së paluajtshme, ekziston mundësia që Zelensky të mbetet de facto përfituesi ose paratë e gatshme të jenë investuar diku tjetër.

Propagandistët rusë, besojnë se Zelensky zotëron deri në pesë jahte luksoze dhe tre avionë privatë, përveç 60 milionë dollarëve në aksione në kompani duke përfshirë Saudi Aramco, Meta dhe Tesla.

Forbes nuk gjeti prova për një flotë të tillë dhe nëse Zelensky zotëron aksione në këto kompani, është e vështirë të besohet se ato aksione do të vlejnë diku afër 60 milionë dollarë.

Ai dhe gruaja e tij Olena Zelenska kanë një llogari bankare që ka rreth 2 milionë dollarë në para dhe obligacione qeveritare.

Pasuritë e tyre të tjera, të përbërë nga dy makina dhe disa bizhuteri, nuk i kalojnë 1 milion dollarët.

Gjeneralët e lartë të NATO-s kanë paralajmëruar se presidenti rus mund të godasë objektiva në të gjithë Europën në një luftë gjithëpërfshirëse kundër Perëndimit.

Udhëheqësit thanë se blloku mund të ketë jo më pak se tre vjet për t’u përgatitur për një ofensivë të mundshme ruse në tokën europiane, e cila do të shihte sulme kundër infrastrukturës civile dhe ushtarake thellë pas vijave të frontit.

Ata thanë se Gjermania ka të ngjarë të veçohet si “fortesa” qendrore për linjat e furnizimit kontinental të NATO-s dhe se objektivat mund të variojnë nga fabrikat e municioneve dhe qendrat komanduese, te termocentralet, hekurudhat dhe urat.

Rusia ka përdorur tashmë taktika të ngjashme gjatë pushtimit të saj në Ukrainë, duke lëshuar raketa brenda territorit ukrainas, ndërsa vetë Ukraina është kundërpërgjigjur duke synuar depot e municioneve, karburantit dhe qendrat e komandës.

“Nëse krahasojmë luftën dhe operacionet dhjetë vjet më parë ose pesë vjet më parë, atëherë kuptojmë se duhet të pranojmë se edhe zonat e pasme do të goditen ashpër.

Duhet të supozojmë se një agresor do të përdorë të gjithë spektrin e forcës kinetike dhe jokinetike për të shkatërruar linjat e komunikimit, edhe në pjesën e brendshme të territorit.

Kjo varion nga aktet e sabotimit përmes luftës elektronike dhe kibernetike deri te mundësitë kinetike përmes raketave, dronëve e kështu me radhë”, tha gjeneral Alexander Sollfrank, komandanti i qendrës logjistike ushtarake të NATO-s në Gjermaninë jugperëndimore.

Gjenerali i NATO-s u bëri thirrje liderëve botërorë që të shkurtojnë “burokracinë” që pengon aftësinë e vendeve për të përdorur armë dhe teknologji nga një komb tjetër.

Sollfrank tha se rregullat mbi përdorimin e armatimeve dhe pajisjeve të ndryshme, ngadalësuan masivisht kohën e përgjigjes dhe kjo u pa në ofensivën ukrainase përballë fuqisë së Kremlinit.

Ai dha një shembull të parashutistëve që u ndalohet ligjërisht përdorimi i parashutave të bëra për ushtrinë e një kombi tjetër, edhe nëse ato janë funksionalisht identike.

“Edhe pse mund të mos lejohet për momentin, teknikisht nuk ka asnjë problem në shumë raste. Ku është problemi, për shembull, me një parashutist nga një komb europian A, duke përdorur një parashutë të një kombi fqinj B pasi është trajnuar në këtë sistem, ose duke bashkuar pajisje nga një komb në helikopterin e një kombi tjetër? Nëse nuk ka çështje teknike apo sigurie, pse jo”, shtroi pyetjen Sollfrank.

Ai tha se reduktimi i burokracisë për organizatat shumëkombëshe do të ishte çelësi për të siguruar që NATO të jetë e shkathët për të luftuar Rusinë.

Ndërkohë, gjeneral Jan-Ëillem Maas, shefi i Komandës së Mbështetjes së Mbrojtjes të forcave të armatosura holandeze, ra dakord se përgatitjet për një konflikt në mbarë bllokun duhet të avancojnë.

“Nuk jemi aty ku duhet të jemi, dhe kjo është shumë e qartë. Por lind pyetja, çfarë do të bëjmë për këtë?

Nëse shikoni se çfarë ka bërë Putin deri më tani, mendoj se ne kemi një pozicion më të mirë fillestar për operacionet e ardhshme. Nëse shikoni sesi Europa u bashkua pasi Putin pushtoi Ukrainën, nuk jam edhe aq pessimist.

Por në të njejtën kohë, nëse shikoni parandalimin ushtarake, ne duhet të bëjmë çmos që të funksionojë nesër”, tha ai.

Komisioni Qendror i Zgjedhjeve në Rusi ka regjistruar presidentin aktual, Vladimir Putin, si kandidat për zgjedhjet e reja presidenciale.

Putin do të garojë për mandatin e pestë presidencial. Për shkak të ndryshimeve kushtetuese, që janë kritikuar nga ekspertët, Putini ka të drejtë të bëhet president edhe për dy mandate. Për herë të parë ai u zgjodh president i Rusisë në vitin 2000.

Putin do të garojë si kandidat i pavarur në zgjedhjet e caktuara për 17 mars. Për t’u regjistruar si kandidat, atij iu kërkua të mblidhte të paktën 300.000 nënshkrime të rusëve nga rajone të ndryshme të shtetit, për të mbështetur kandidaturën e tij. Nga nënshkrimet e dorëzuara, 0.15 për qind e tyre u shpallën të pavlefshme nga Komisioni Qendror i Zgjedhjeve në Rusi.

Gjatë mbledhjes së nënshkrimeve për Putinin u evidentuan një sërë shkeljesh. Në veçanti në Shën Petersburg nënshkrimet u mblodhën nga anëtarët e komisionit të zonës, që drejtpërdrejt përbën shkelje të ligjit.

Putini është bërë kandidati i katërt i regjistruar për zgjedhjet presidenciale ruse, pas Vladislav Davankovit nga partia Populli i Ri, Nikolai Kharitonovit nga Partia Komuniste dhe Leonid Slutskyit nga Partia Liberale Demokratike. Në përgjithësi, 11 kandidatë po synojnë të garojnë në zgjedhje dhe kandidatët kanë afat të mbledhin nënshkrimet e nevojshme deri më 31 janar./REL

Forcat e mbrojtjes ajrore të Ukrainës kanë rrëzuar një dron rus Shahed në lagjen Synelnykove, rajoni Dnipropetrovsk.

Një gjë e tillë është bërë e ditur nga shefi i administratës ushtarake të rajonit, Serhii Lysak, transmeton Ukrinform.

"Në rrethin Synelnykove, mbrojtësit tanë rrëzuan një Shahed armik.

Faleminderit që mbroni banorët e rajonit," tha Lysak në një postim në rrjetin social Telegram.

Më shumë se 20 mijë kamionë nga Polonia dhe Ukraina janë bllokuar në tre pikat kryesore kufitare mes vendeve, teksa shoferët polakë në grevë protestojnë kundër një marrëveshjeje të BE-së që u lejon kamionëve ukrainas akses të pakufizuar në vendet evropiane.

Të hënën, transportuesit polakë filluan të bllokojnë lëvizjen e kamionëve përgjatë tre pikave më të mëdha të kalimit kufitar midis dy pikave: Korczowa-Krakowiec, Hrebenne-Rava-Ruska dhe Dorohusk-Yahodyn.

“Aktualisht, më shumë se 20 mijë automjete janë të bllokuara nga të dyja anët. Ekonomia jo vetëm e Ukrainës dhe Polonisë pëson humbje, por edhe e vendeve të tjera që nuk mund të transportojnë mallra”, tha Ministria e Restaurimit të Ukrainës në një deklaratë të enjten.

Protestat pasojnë një grindje midis vendeve fqinje në fillim të këtij viti për grurin e lirë ukrainas, i cili normalisht do të transportohej nga portet e Detit të Zi tashmë të pushtuara të vendit , por në vend të kësaj do të kalohej në Evropë përmes Polonisë.

Fluksi i produkteve dëmtoi fermerët polakë, duke çuar në një ndalim të përkohshëm të BE-së tashmë të skaduar. Polonia nuk lejon që gruri ukrainas të shitet në tregun e saj të brendshëm.

Përcaktimi i hapave të përbashkët për të rritur prodhimin e dronëve për Forcat e Armatosura të Ukrainës ishte tema kryesore e bisedimeve midis ministrave të jashtëm të Ukrainës dhe Lituanisë, tha ministri i Jashtëm ukrainas Dmytro Kuleba në një konferencë të përbashkët për shtyp me homologun e tij lituanez Gabrielius Landsbergis në Kiev.

“Ne i kushtuam një pjesë të madhe të bisedës sonë përcaktimit të hapave të përbashkët për të rritur prodhimin e dronëve për Forcat e Armatosura të Ukrainës.

Lituania ka teknologjinë dhe ne mund të rrisim prodhimin. Kjo ishte një temë kryesore.

Ekziston një kuptim i qartë se çfarë , si dhe kur të bëhet, në mënyrë që bashkëpunimi ukrainas-lituanez në prodhimin e dronëve të japë rezultatin maksimal në kohën më të shkurtër”, tha Kuleba.