Gjatë një eventi gjatë fushatës "Të gjithë për fitore!" në qytetin Tula në Rusinë perëndimore, presidenti Vladimir Putin bëri deklarata të reja, të fuqishme. Mesazhi kryesor që ai donte të dërgonte në shtëpi ishte se Rusia "po bën një luftë të shenjtë, të drejtë" në Ukrainë kundër versionit të kohës sonë të nazizmit", sipas Tass.
Pyetja është nëse mesazhi i Putinit u drejtohet kryesisht qytetarëve të tij, që të fitojë mbështetje përpara zgjedhjeve presidenciale në mars, apo nëse ai synon kryesisht Ukrainën dhe Perëndimin!
Mendoj se situata është dukshëm më e rrezikshme sesa e kuptojnë shumica e njerëzve. Mendoj se lufta është një mundësi reale që duhet ta marrim seriozisht, por gjithashtu mendoj se shumë njerëz keqkuptojnë seriozisht se si do të duket një luftë, thotë analisti luftarak, Puck Nielsen në Dagbladet.
Ai beson se Vladimir Putin do të përpiqet të testojë se ku janë kufijtë e NATO-s dhe nëse zbatohet neni i pestë i aleancës, përderisa
një sulm ndaj një vendi konsiderohet sulm ndaj të gjithë aleancës. Në të njëjtën kohë, studiuesi thekson se Rusia ndoshta e di se nuk mund të fitojë një luftë kundër NATO-s, nëse NATO qëndron e bashkuar.
Në të njëjtën kohë, ekziston një marrëveshje e gjerë që NATO, me Shtetet e Bashkuara dhe disa fuqi të tjera bërthamore në ekip, do të dalin fitimtare nga një luftë me Rusinë dhe se Putini nuk ka gjasa të dëshirojë të hapë më shumë fronte pasi që ka prova të mjaftueshme nga fqinji i tij Ukraina, me humbje të mëdha ushtarësh dhe materialesh.
Por, nëse ndodh që makineria e luftës së Putinit të përshkallëzohet,kjo tregon në mënyrë specifike se Rusia mund të kryejë edhe testin saj të stresit ndaj NATO-s në Finlandën Veriore.
Është një vend i përsosur për Rusinë që të testojë vullnetin e NATO-s, nëse vendet e tjera të NATO-s janë të gatshme të hyjnë në luftë për një zonë të vogël në Lapland.
Nëse rezulton se ata në të vërtetë janë të gatshëm,(SHBA-të duan të rrezikojnë Luftën e Tretë Botërore), është gjithashtu më e lehtë të kontrollohet përshkallëzimi këtu sesa në një vend me popullsi të dendur në Baltik, arsyeton Anders Puck Nielsen.
Megjithatë, kambanat e alarmit tani po bien, vendet e NATO-s duhet të zgjohen dhe koha për t'u përgatitur dhe për të pasur një mbrojtje parandaluese dhe për të luftuar një luftë, është më e shkurtër se sa që shumë kanë menduar prej kohësh, paralajmërojnë ekspertët.
Ky është një sinjal se ne shohim një udhëheqës të dëshpëruar i Kremlinit i cili nuk do të pajtohet me asnjë humbje kundër Ukrainës. Ky është një sinjal se ai vazhdon luftën dhe e sheh tanë Perëndimin si armiq të Rusisë thekson profesori për VG.
Putini beson në këtë mundësi, kur në të njëjtën kohë fokusi i botës mbarë është i drejtuar kah Lindja e Mesme, konflikt ky i cili edhe mund të kthehet në një luftë të madhe dhe në të njëjtën kohë të mbledhë një aleancë kundër perendimit.
Kjo është shumë serioze, thekson Gerner, i cili e krahason fjalimin e Putinit me "mentalitetin e bunkerit" të Hitlerit në fund të Luftës së Dytë Botërore.
