Qeveria gjermane njoftoi të mërkurën se është vërejtur një rritje e spiunimit turk brenda Gjermanisë, ku po shtohen tensionet me komunitetin turk në prag të referendumit për zgjerimin e kompetencave për presidentin e Turqisë Recep Taip Erdogan, të caktuar për muajin tjetër, transmeton Reuters.
Marrëdhëniet ndërmjet Gjermanisë dhe Turqisë kanë rënë në nivelin më të ulët për shkak të problemeve rreth mitingjeve politike turke në territorin e Gjermanisë, të cilat kanë për synim të sigurojnë mbështetjen e diasporës për referendum.
