Formula 1 merr lajmin e mirë

Formula 1

Formula 1 merr lajmin e mirë

Më: 10 shkurt 2021 Në ora: 18:23
Formula 1 merr lajmin e mirë

Lajme të mira vijnë në prag të seoznit 2021 të Formula 1. Gara e tretë sezonale do të zhvillohet më 2 maj në pistën e Portimao, ku do të zhvillohet gara e Çmimit të Madh të Formula 1.

Kjo pistë, e futur në kalendar pas shtyrjes së garës së Australisë për në fund të sezonit dhe anullimit të asaj të Kinës, ende nuk kishte dhënë “OK”-in e saj, për shkak të situatës së rëndë të krijuar në Portugali për shkak të pandemisë.

Gjithsesi, zyrtarizimi i saj do të ndodhë nesër, gjatë mbledhjes së bordit drejtues të FIA-s. Pista e Portimao u rikthye vjet në kalendar dhe aty u zhvillua një nga garat më argëtuese të sezonit.

Organizatorët e garës së Portugalisë kanë konfirmuar se mund ta zhvillojnë normalisht garën. Kjo do të jetë gara e tretë e botërorit 2021, pas atyre të Bahrein (28 mars) dhe Imola (18 prill).

Sezoni 2021 i Formula 1 ka numrin rekord të 23 garave.

Shfaq komentet
comments powered by Disqus
Sot mund të lexoni Shfletoni kopertinat