Ferrari i ka synimet e qarta në këtë edicion të ri me “kokëkuqen” që ka si objektiv rikthimin tek titulli kampion.
Diçka të tillë e ka konfirmuar dhe shefi i skuderisë Frederic Vasseur. Francezi, në një deklaratë të dhënë se fundmi është optimist se modeli i ri i makinës që do të zbresë në pistë këtë sezon ka potencialin për të garuar për titullin kampion.
“Nuk është e nevojshme që të bëjmë premtime të mëdha.
Si fillim do të shohim testet e para.
Unë besoj shumë te dy pilotët tanë dhe ne do ti trajtojmë të dy njësoj, e më pas unë do të jem ai i cili do të vendos se cili do të jetë piloti i parë.
Të jem i sinqertë kam shumë shpresë tek makina e re dhe besoj se do të jemi në garë për titullin kampion. Kemi sistemuar makinën në shumë drejtime dhe testet që kemi zhvilluar në dimër na kanë dhënë sinjale shumë pozitive”.-tha ai.
Ferrari do të garojë këtë sezon të ri me dy pilotë, Charles LeClerc dhe Carlos Sainz. Sezoni i ri i Formula 1 do të nisë në datën 5 mars ku do të garohet për çmimin e madh të Bahrain-it
