Gruaja e Michael Schumacher, Corinna, ka rregulla strikte se kush mund të vizitojë legjendën e Formula 1, sipas ish-bashkëvozitësit të tij te Ferrari.
Ka kaluar një dekadë që kur shtatë herë kampioni i Formula 1 pësoi lëndime të mëdha në kokë gjatë skijimit në resortin francez të Meribel më 29 dhjetor 2013.
Gjendja e Schumacher, i cili u vu në një koma artificiale dhe iu nënshtrua disa operacioneve, është mbuluar me mister që atëherë, me vetëm përditësime të shkurtra që vijnë nga rrethi i tij i ngushtë.
Gruaja Corinna – e cila u martua me Schumacher në 1995 dhe ka dy fëmijë me të, ka qenë një mbrojtëse e vendosur e privatësisë së tij dhe ka qenë e ulur pranë tij gjatë 10 viteve të fundit pas aksidentit të tmerrshëm.
Tani një ish-kolegu i Schumacher në Ferrari ka hedhur më shumë dritë mbi situatën dhe mënyrën se si Corinna ruan nga afër se kush e viziton atë.
Luca Badoer ka thënë për The Sun: “Vetëm disa njerëz lejohen të vizitojnë. Korina vendos se kush lejohet ta shohë atë”.
“Familja dëshiron të ruajë një lloj sekreti për këtë dhe unë respektoj vullnetin e tyre”.
Badoer – i cili është një nga njerëzit e lejuar për të vizituar – shtoi: “Ata e bëjnë të gjithë këtë për të mirën e Michael”.
Schumacher u hoq nga koma në vitin 2014, por që atëherë nuk është parë në publik me përditësime për mirëqenien e tij të pakta.
