Mesfushori i Chelsea, Cesc Fabregas, thuhet se ka rënë dakord për një transferim në Ligue 1, te Monaco, njofton “Goal”. 31-vjeçari është duke hyrë në gjashtë muajt e fundit të marrëveshjes me blutë e Londrës.
Milani është gjithashtu në ndjekje të spanjollit, teksa po përpiqet të sigurojë fondet për transferimin dhe pagat, që në janar.
Trajneri Gennaro Gattuso shprehu zhgënjimin e tij me situatën, javën e kaluar, teksa kufizimet e “fair ply financiar” e pengojnë Milanin të bëjë nga investime të rëndësishme në lojtarë.
"Ne kemi kushtëzime, nuk mund të bëjmë atë që duam, - tha Gattuso për “DAZN”. - Klubi ka qenë i qartë, Fabregas është një lojtar i rëndësishëm, por i kemi duart e lidhura".
Te Monaco, Fabregas do të gjendte trajnerin Thierry Henry, i cili ishte shoku i spanjollit, kur të dy luanin me Arsenalin, në mes të viteve 2003 dhe 2007.
Fabregas do të sigurojë një shtytje shumë të nevojshme për Henry, i cili ka duruar një kohë të vështirë, që kur mori drejtimin e Monaco në tetor.
Henry ka humbur gjashtë nga nëntë ndeshjet e tij në klubin e Ligue 1, ku Monaco renditet në vendin e katërt të tabelës së klasifikimit.
Pavarësisht nga dëshira e Fabregas për të kërkuar një largim të shpejtë, Sarri dëshiron që spanjolli me përvojë të qëndrojë. "Do të ishte vërtet një problem pa Cesc, - tha Sarri javën e kaluar.
- Dua që ai të qëndrojë, nuk e di vendimin përfundimtar të Cesc dhe klubit, natyrisht. Por, për mua është shumë e rëndësishme nëse Cesc do të qëndrojë. Nësi ikën, duhet të blejmë patjetër një tjetër lojtar dhe kjo nuk është e lehtë sepse, teknikisht, Cesc është shumë i rëndësishëm".
