Shkodran Mustafi vazhdon të ketë telashe tek Arsenali.
Mbrojtësi me prejardhje shqiptare por që luan me Gjermaninë, po kalon në një formë të dobët tek Arsenali, shkruan KosovaPress.
Në derbin e kësaj jave ndaj Tottenhamit, Mustafi shkaktoi penalltinë të cilën e ktheu në gol Harry Kane, dhe ndeshja u mbyll 1-1.
Ish-fubollisti i Arsenalit, Emmanuel Petit në një intervistë për Goal, ka deklaruar që është i çuditur me trajnerin Unai Emmery, se pse vazhdon ta inkuadrojë në lojë Mustafin përkundër gabimeve të shumta që bënë ai.
“Jam befasuar kur e kam parë se Emery kishte vendosur të luante me Mustafin në mbrojtje, duke e ditur se ai është mbret i gabimeve trashanike”, theksoi Petit.
“Ndonëse nuk do të duhej të ishte penallti, pasi më herët katër lojtarë të Tottenham ishin në pozitë jashtë loje, prapë Mustafi ishte ai që e shkaktoi 11-metërshin”, theksoi francezi.
Kujtojmë se Arsenali pati një mundësi ta fitonte takimin në fund, por Pierre Emerick Aubameyang dështoi të shënonte nga penalltia.