Në një konferencë për shtyp, Federata e Futbollit të Kosovës ka bërë të ditur se nesër do të fillojë shitja e biletave, me çmim të ngritur nga biletat e kaluara.
Biletat do të shiten përsëri përmes sistemit online, mirëpo Federata ka siguruar se nuk do të ketë ngecje për ata të cilët regjistrohen në këtë sistem paraprakisht.
Për ndeshjet e marsit, ashtu edhe si për ndeshjet e tjera, do të shiten biletat për pjesën më të madhe të stadiumit, ndërsa një pjesë do të jetë e rezervuar për mysafirët e FFK-së si dhe pjesa për evakuim.
Këtë muaj, Kosova do të përballet fillimisht me Danimarkën e pastaj me Bullgarinë. Që të dyja këto ndeshje, më 21 dhe më 25 mars, do të zhvillohen në stadiumin “Fadil Vokrri”.
