Festa e tyre, ku ato pozuan tërësisht të zhveshura, është shndërruar në sensacion në rrjete sociale.
Media kishte raportuar më herët për volejbollistet e skuadrës Imoco Volley Conegliano, që e festuan titullin e tyre lakuriq.
Ato kanë arritur që të mbrojnë titullin e kampionit të Italisë, ku në serinë finale të play-off-it, ashtu sikur edhe vitin e kaluar fituan ndaj Novaras, por këtë herë pa asnjë humbje, 3:0.
Ndeshja e tretë ishte dramë e vërtetë, por në fund skuadra e trajnerit Daniele Santarelli fitoi me rezultat 3:2 dhe iu gëzua titullit të tretë në historinë e saj.
Në vitin e kaluar, volejbollistja polake, njëherësh kapitene e skuadrës, Joana Wolos pati pozuar lakuriq me Kupë në dorë.
Sivjet, rrugën e saj e kanë ndjekur edhe bashkëlojtaret, të cilat së bashku janë fotografuar dhe foton e kanë shpërndarë në rrjetet sociale.
Këto foto kanë marrë vëmendje të madhe në rrjete sociale, ku vajzat që pozuan lakuriq janë përgëzuar për guximin.