Franca kampione e Botës në fuqi ka peshkuar dy gjigantë të tjerë në shortin e hedhur për grupet e Euro 2020: Gjermaninë dhe Portugalinë. I pranishëm në Bukuresht për eventin e hedhjes së shortit, ishte edhe vetë trajneri i përfaqësueses së Francës, Didier Deschamps, ai që ka komentuar atë që është cilësuar si “grupi i vdekjes”.
“Çdo ndeshje do të jetë e rëndësishme, gati deçizive për të menduar për kualifikimin. Edhe trajnerët e tjerë do të kenë patur të njëjtat mendime me mua në momentin e verdiktit të shortit”.
“Fatkeqësisht ishte ky short me kritere specifike të paracaktuara dhe ekzistonte rreziku. Tani është vendosur. As unë dhe as ata nuk jemi të lumtur. Do të jetë e vështirë për të tre këto skuadra. Përtej cilësive, Gjermania do të luajë të tria ndeshjet në Munich dhe kjo do të jetë vendimtare”, komentoi Deschamps.