Aventura te Manchester United ka qenë e fundit për Louis van Gaal. Ish-trajneri holandez ka vendosur ta ndërpresë karrierën e tij si trajner në marsin e 2019-ës për t’i dedikuar më shumë kohë familjes.
Para se të nënshkruante me Djajtë e Kuq, Van Gaal ka zbuluar se ka marrë një ofertë nga një skuadër londineze. Siç ka thënë për Daily Mail, ish-trajneri ka folur me drejtuesit e Tottenham në verën e 2014-ës.
Në atë periudhë, Spurs duhet të zëvendësonin Tim Sherwood dhe kërkonin një trajner ekspert. Palët janë takuar edhe në shtëpinë e Van Gaal. Një takim që duhej të mbetej sekret, aq sa pronari i Tottenham, Levy, ka bërë gjithçka ishte e mundur për të shmangur shtypin:
“Daniel Levy erdhi në shtëpinë time dhe u largua i fshehur në bagazhin e makinës për të shmangur gazetarët që ishin jashtë”, ka thënë Van Gaal.
Një takim që nuk shërbeu për asgjë. Pak javë më vonë holandezi zyrtarizoi marrëveshjen me Manchester United.