Dhjetë klube angleze mund të falimentojnë brenda disa javësh - Bota Sot
Dhjetë klube angleze mund të falimentojnë brenda disa javësh

Futboll

Dhjetë klube angleze mund të falimentojnë brenda disa javësh

Më: 22 maj 2020 Në ora: 18:10
Ilustrim

Dhjetë klube në Ligën e Parë dhe Ligën e Dytë të Anglisë kanë nevojë për ndihmë urgjente dhe të konsiderueshme nga shteti, përndryshe do të falimentojnë brenda disa javësh, sipas medieve në ishull.

Kjo është paralajmëruar nga deputeti Damien Collins dhe bashkëpronari i Sunderland, Charlie Metwen.

Collins tha para medieve se gjenda e klubeve në Ligën e Parë dhe Ligën e Dytë të Anglisë nuk ka qenë e mirë as para krizës së COVID-19, dhe kjo krizë vetëm ka renduar gjendjen e tyre.

Ai bëri thirrje qeverisë britanike të sigurojnë paketën financiare për klubet, pasi disa prej tyre mund të falimentojnë në qershor dhe të zhduken nga harta e futbollit.

Kujtojmë se në Ligën e Parë të Anglisë, e njohur si divizioni i tretë për nga renditja, garojnë skuadra të njohura që në të kaluarën kanë qenë pjesë e Premierligës, si Portsmouth, Sunderland, Ipswich Town dhe Bolton.

Sot mund të lexoni Shfletoni kopertinat