Korab Hasani do të jetë pjesë e Arbërisë së Dobrajës edhe për edicionin 2020/21. Futbollisti prishtinas ka konfirmuar lajmin përmes një postimi në Facebook.
“Plus një. Na priftë e mbara”, ka shkruar Hasani, duke postuar një foto me dy zyrtarë të klubit dhe me fanellën e Arbërisë.
Ky do të jetë edicioni i parë në histori të klubit në elitën e futbollit.
Skuadra kuqezi do të drejtohet nga trajneri Arbnor Morina në Superligë.