Sot do të zhvillohen dy ndeshjet e javës së nëntë të elitës së futbollit të Kosovës. Edhe pse janë në pjesën e poshtme të tabelës, padyshim se do të jetë derbi mes Llapit nga Podujeva dhe Feronikelit nga Drenasit, e cila luhet sot në orën 14.00 në stadiumin “Rexhep Rexhepi” në Drenas.
“Qendërmbrojtësi i ardhur këtë edicion nga Laçi, Eglentin Gjoni është rikthyer nga lëndimi i pësuar në gjurin e këmbës së djathtë në fazën përgatitore.
Pas rikuperimit nga lëndimi, Gjoni është i gatshëm t'i ndihmoj skuadrës që nga ndeshja e sotme ndaj Feronikelit. Ai është në mesin e futbollistëve të ftuar për këtë ndeshje”, njofton Llapi.
Kampioni në fuqi Drita nga Gjilani, ka punë të vështirë kundër debutuesit Arbëria nga Dobraja e Madhe, që luhet sot në orën 14.00 në stadiumin “Agron Rama” në Kastriot. Arbëria kërcënon kampionin se do të kthehet duarthatë, ndërsa Drita kërkon pikë të plota.
