Interi doli në barazim ndeshjen e parë ndaj Shaktarit në San Siro, por ditën e mërkurë do të luftojë vetëm për tre pikët ndaj ekipit ukrainas.
Shaktari vjen nga një fitore mjaft e rëndësishme ndaj Realit dhe do të kërkojë gjithashtu fitoren ndaj ekipit zikaltër.
Lojtari i Shaktarit, Dodo deklaroi se Interi po i nënvlerëson si skuadër, pasi bazohet në ndeshjen e gjysëm finales së Europa Ligës, e cila përfundoi me shifrat 5-0 në favor të ekipit të Kontes. Gjithashtu mbrojtësi u shpreh se Shaktari do të përfitojë nga gabimet e Interit dhe do të gjejë fitoren.
“Ne luajtëm shumë keq vitin e kaluar në gjysmëfinale të Europa Ligës. Na nënvlerësuan edhe ndeshjen e parë pasi kujtojnë se jemi po i njëjti ekip.
Duam të vazhdojmë suksesin e fitores ndaj Realit. Ata do të gabojnë dhe ne do të fitojmë”- u shpreh Dodo.
