Trajneri i Manchester United, Ole Gunnar Solskjaer, pretendon se Manchester Unitedit i mungoi fati në humbjen kundër RB Leipzig, e cila e vulosi eliminimin e djajve të kuq nga Liga e Kampionëve.
Unitedi u mposht 3:2 nga klubi gjerman dhe sezonin do ta vazhdojë në Ligën e Evropës.
Pas ndeshjes, Solskjaer i lavdëroi bashkëlojtarët e vet, por e pranoi se nuk luajtën mjaftueshëm mirë të martën.
“Skuadra është e mirë, lojtarët janë ekip dhe janë të bashkuar”, tha Solskjaer.
“Ata treguan shpirt të madh luftarak për ta përmbysur rezultatin por e nisëm tepër vonë. Nuk duhet t’ia falnim kundërshtarit një epërsi prej 3:0”, shtoi ai.
“Mendoj se ne ishim të pafat kah fundi i ndeshjes. Nuk ishim mjaftueshëm të mirë".
