Nesër në orën 18:30 luhet ndeshja ndërmjet Manchester United dhe Manchester City, në kuadër të xhiros së 12-të të Premierligës.
Duke folur para gazetarëve në konferencën për shtyp, menaxheri i Manchester Cityt, Josep Guardiola, u shpreh i kënaqur me përformancat e fundit të ekipit të tij, deri sa u pyet edhe për ecurinë e homologut të tij.
‘Ne do të përballemi me verzionin më të mirë të tyre nesër, janë tre pikë të rëndësishme dhe ata janë kundërshtar i fortë, por ne luajmë për fitore’, tha spanjolli.
‘Ne e dimë këtë, për këtë arsye paguhemi shumë. Është e rëndësishme që ata të dinë vlerën e Solskjaer, pa dyshim’, tha ai.
‘Nuk kam pse ti jap mbështetje, ai e di se në çfarë pune jemi dhe ai është i fortë ta përballojë atë. Në këtë sport, kur fiton je një gjeni, ndërsa kur humbet duhet të të pushojnë nga puna’, përmbylli Josep Guardiola.
