Pas emravet të tillë si Conor Coady, Raul Jimenez, Max Kilman dhe Pedro Neto, Wolverhampton “blindon” edhe Leander Dendoncker, duke i rinovuar zyrtarish kontratën.
Mbrojtësi, i cili mund të luajë edhe në mesfushë, firmosi deri në vitin 2023 me opsion rinovimi edhe për një vit tjetër. Belgu është pjesë e Wolves që nga viti 2018, kur u transferua nga Anderlechti.
25-vjeçari është pjesë e rëndësishme e formacionit të trajnerit Nuno Espirito Santo, i cili e vlerëson shumë futbollistin.
Vetë Dendoncker u shpreh shumë i lumtur për rinovimin e kontratës dhe se te Wolverhampton ndihet si në shtëpi, pasi të gjithë janë treguar të sinqertë me të.