Andrea Pirlo insistoi që Paulo Dybala mbetet i rëndësishëm për të mes spekulimeve të vazhdueshme për të ardhmen e yllit të Juventusit.
Dybala është përsëri i lidhur me një largim nga kampionët e Serie A, pavarësisht pritjeve që ai do të zgjas qëndrimin e tij në Juve, edhe më shumë se deri në 2022.
Përfaqësuesi i Argjentinës, i cili ka qenë i lidhur me Manchester Unitedin, humbi fitoren e së shtunës 4-0 ndaj Parma për shkak të një dëmtimi në kofshë.
Për të ardhmen e lojtarit ka folur edhe trajneri i Juventusit, Pirlo, i cili beson se lojtari është i rëndësishëm për të.
“Absolutisht. Kampionët si ai janë gjithmonë thelbësorë në skuadra të forta”, ka thënë fillimisht Pirlo.
“Unë i stërvit të gjithë lojtarët. Dybala është njëri prej tyre. Sjellja e tij është e shkëlqyeshme”.
“Për fat të keq, ai ka këtë dëmtim të vogël, dhe dje ai u përpoq ta mënjanonte atë, por ai ishte i shqetësuar se do të dëmtonte veten edhe më shumë. Shpresojmë që ta kthejmë atë të martën”, përfundoi italiani.
Sidoqoftë, Dybala nuk ka qenë në krye të planeve të Juventusit. Ai ka filluar vetëm 10 ndeshje këtë sezon dhe është shtyrë në hijen e Cristiano Ronaldos, pasi shënoi vetëm dy gola këtë sezon dhe nuk regjistroi asnjë asistim të vetëm.
