Ashtu siç ishte përfolur, Marcelino Garcia Torral është emëruar në krye të stolit të Athletic Bilbao-s.
Trajneri 55 vjeçar do të zëvendësojë Gaizka Garritano, që u shkarkua ditën e djeshme nga stoli i ekipit bask.
Marcelino është një emër mjaft i njohur i trajningut në Spanjë, pasi më herët ka bërë mjaft mirë në pankinat e Villarealit e Valencias, por ka drejtuar edhe skuadra të tjera si Sevilla, Santander, Gijon, etj.
Misioni i Marcelinos në klubin bask do të jetë arritja e një vendi në Kupat e Europës, ndonëse gara në kampionatin spanjoll duket mjaft e fortë këtë sezon, me disa skuadra që po bëjnë mjaft mirë.
