Lojërat Olimpike të Barcelonës ‘92 ishin një nga pikat kryesore në historinë e sportit spanjoll. Gjithashtu, natyrisht, futbolli. Nën urdhrat e Vicente Miera ishin Cañizares, Ferrer, Lasa, Solozábal, Lípez, Billabona, Amavista, Luis Enrqieu, Guardiola, Abelardo, Manjarín, Paqui, Toni, Vidal, Soler, Miguel, Berges, Pinilla dhe Kiko, për të fituar medalje ari olimpike. Më vonë, shumë prej tyre u bënë yje, që u përballën me njëri-tjetrin mjaft herë në futbollin spanjoll, por ato ditë krijuan një marrëdhënie të veçantë. Të paktën me pothuajse të gjithë.
Në dokumentarin e lëshuar këtë të martë në “Movistar+”, të titulluar “Luaj përsëri, Pep”, Guardiola, trajneri i Manchester City pranoi se nuk ishte në dijeni të ekzistencës së një grupi WhatsApp, në të cilin janë të gjithë anëtarët e atij ekipi, përveç tij.
Ai që zbuloi ekzistencën e grupit ishte Santiago Canizares: “Ne jemi të gjithë, përveç Guardiolës. Ndoshta sepse ai është më i famshmi tani dhe e kuptoj se nuk do të ketë kohë për budallallëqe”.
Në këtë dokumentar, Pep Guardiola iu përgjigj atij. “Në Barcelona ‘92 ne formuam një grup të pabesueshëm, që nuk e dija se takohej në WhatsApp, pasi nuk kam pasur kurrë ftesë për t’u bashkuar… Cañizares, më falni, por nuk më keni ftuar, nuk është se nuk dua të jem”, – siguroi Pep.
Siç është shpjeguar nga vetë trajneri i Manchester City, qëndrimi i tij pro pavarësisë së Katalonjës, mendimet e Cañizares dhe Alfonso, të cilët kanë kritikuar publikisht pozicionin e tij, mund të jenë arsyet: “Unë e dua Katalonjën, kam një dashuri të jashtëzakonshme për Spanjën. Mbaj një kujtim të shkëlqyer të atyre viteve, megjithëse Alfonso dhe Cañizares tani janë shumë kritikë, sepse kam luajtur në ekipin kombëtar. Kam kaluar një kohë të bukur dhe u përpoqa të bëja më të mirën”.
