KOKSH sfidon pandeminë, mblidhet për të diskutuar mbi zgjedhjen e drejtuesit të ri!
Komiteti Olimpik Kombëtar Shqiptar sfidon aktet normative të miratuara në kushtet e pandemisë, pasi është mbledhur në një nga hotelet e kryeqytetit për të diskutuar në lidhje me kreun e ri të institucionit.
Në mbledhje marrin pjesë dhjetëra njerëz, ndonëse akti normativ e përcakton qartë që nuk mund të zhvillohen takime me pjesëmarrjen e më shumë se 10 personave në ambiente të mbyllura.
Aktualisht Komiteti Olimpik Kombëtar Shqiptar ka mbetur pa drejtues, por që nuk pritet zgjedhja e tij në mbledhjen e sotme, pasi statuti e përcakton që udhëheqësi i ri të zgjidhet nga mbledhja e asamblesë së këtij institucioni.
