Trajneri i Barcelonës, Ronald Koeman është përgjigjur në mënyrë shumë direkte dhe të hapur mbi të ardhmen e Leo Messit në Barcelonë pas spekulimeve të shumta në muajt e fundit.
Messi pranoi të qëndrojë për vitin e fundit të kontratës së tij kur Barça refuzoi kërkesën e tij për largim dhe ka bërë përshtypje të mira nën drejtimin e Koeman, duke shënuar nëntë gola në 10 ndeshjet e tij të fundit.
Por Koeman nuk është i bindur se lumturia e Messit në këtë sezon do të rezultojë në qëndrimin e tij në klub për një kohë të gjatë.
"Unë nuk jam i sigurt për këtë," tha Koeman për “The Athletic”.
"Unë shpresoj për këtë sepse ai është ende një lojtar i shkëlqyeshëm dhe ai ende fiton ndeshje për ne, për ekipin.”
"Unë jam duke shijuar të qenit trajner i tij, nëse i shikoni cilësitë e tij çdo ditë në seancat stërvitore, është i pabesueshëm., vazhdoi Koeman më tutje,
"Sigurisht, ai erdhi si një fëmijë i ri në Barcelonë. Dhe unë ende nuk e shoh Leo Messin me një fanellë tjetër përveç fanellës së Barcës".
Messi arriti 650 gola ër Barçën në fitoren 2-1 të së dielës në shtëpi ndaj Athletic Bilbaos.
"Unë i thashë Leos," Unë jam me të vërtetë i lumtur nëse qëndron. Nëse nuk qëndron, është vendimi yt dhe është ajo që duhet të bësh me klubin. Nëse qëndron, do të jesh pjesë e ekipit dhe ky do të jetë pozicioni juaj për të marrë të gjitha të mirat nga vetja juaj ".
"Pak nga pak, ai e pranoi atë situatë. Dhe shikoni se si po luan në javët e fundit, ai është me të vërtetë i përfshirë në klub, në ekip.”, tha në fund trajneri i Barcelonës.
