Reprezentuesi i Kosovës, Amir Rrahmani, është më i merituari që Napoli arkëton tre pikë të mëdha në stadiumin “Diego Armando Maradona”.
Në minutën e 30-të, Rrahmani futet sikur në gërshërë afër portës së rivalit, ndërsa Giorgio Chiellini e godet me shuplakë fytyrës, ndërsa gjyqtari Doveri pa u hamendur fare akordon penallti për Napolin.
Lorenzo Insigne është i pagabueshëm nga penalltia dhe i siguron fitoren me rezultat 1:0 Napolin.
Rrahmani u paraqit standard, tregon angazhim dhe i gëzohet fitores në derbin e madh italian, për faktin se e mposhtën kampionin në fuqi, që ka lojtarin më të mirë në botë, Cristiano Ronaldo.
Pas javës së 22-të në Serie A, Juventusi zë vendin e tretë me 42 pikë, ka dy më shumë se Napoli, që gjendet një pozitë më poshtë.
