Klubi i madh portugez, Porto, ka shkaktuar befasinë e parë të sezonit së Ligës së Kampionëve duke e eliminuar Juventusin në stadiumin e tyre. Kampioni në fuqi italian mposhti Porton me rezultatin 3-2, por ishin portugezët që kaluan tutje me rezultatin e përgjithshëm 4-4, falë dy golave si mysafirë.
Sulmuesi i Portos, Mehdi Taremi pas përfundimit të ndeshjes shpërtheu në lot edhe pse skuadra e tij u kualifikua tutje në fazën tjetër të Ligës së Kampionëve.
Taremi ishte futbollisti që u ndëshkua me karton të kuq pas dy ndëshkimit të shpejt me dy të verdhë, të parin e mori në minutën e 52-të, ndërsa momenti i rëndë për portugezët erdhi në të 54-tin.
Megjithatë, Taremi nuk ishte i vetëm, pasi trajneri i tij Sergio Conceicao tregoi shpirtin e madh të tij, duke e përqafuar e ngushëlluar atë, pasi ai nuk mund të mbante lotët.
Porto në ndeshjen e parë kishte fituar 2:1, por në ndeshjen e mbrëmshme ishte pritur që Juventus në krye me Cristiano Ronaldo të bënte kthesën e madhe, por ja që nuk ndodhi për shkak të paraqitjes së jashtëzakonshme të portugezëve..
