Mesfushori i Interit, Christian Eriksen, është shrpehur i lumtur me jetën në Milano.
Eriksen i cili erdhi në janar tek Interi, u spekulua se do largohej shkaku i paraqitjeve të pakta që kishte nën trajnerin, Antonio Conte.
Danezi dukej i palumtur në Giuseppe Meazza dhe sipas mediave italiane, largimi i tij ishte qështje kohe.
Por, viti 2021 ka nisur mirë për Eriksen, pasi ai është rikthyer në formë dhe në formacionin bazë të Contes.
Tani ai deklaroi se është i lumtur, dhe se nuk dëshironte të largohej.
“Përse doja të largohesha, doja vërtet të luftoj për vendim tim në skuadër dhe e kam bërë”, tha ai.
“Isha i sigurt që nëse do vijë mundësia ime, sigurisht që do ta shfrytëzoja”, shtoi ai.
“Ishte mentalisht e vështirë, kam ardhë në Inter për të luajtur futboll dhe kur nuk ke mundësi ta bësh, sigurisht që ndihesh i frustruar”, tha Eriksen.
“Milano është një qytet i mirë dhe familja ime e pëlqen. Të jesh lojtar i Interit është mirë, por të luash është edhe më mirë”, shtoi ai.
“Jam duke jetuar një moment të mrekullueshëm, bëra mirë që u izolova dhe u koncentrova”, tha Eriksen.
“Jam stërvitur mirë, në të gjitha rastet jam stërvitur dhe jam gati. Ndihem më mirë dhe jam adaptuar me futbollin këtu, tani shohim se çfarë sjell e ardhmja”, përfundoi Christian Eriksen.
