Kapiteni i Juventusit Giorgio Chiellini mund të tërhiqet nga futbolli pas përfundimit të edicionit aktual, sipas La Gazzetta dello Sport.
36 vjeçari ishte jashtë pjesës më të madhe të viteve 2019-20 me një dëmtim serioz në gju që pësoi në javën e parë të sezonit.
Me vetëm nëntë paraqitje në Serie A këtë sezon dhe një situatë të pazgjidhur të kontratës me Zonjën e Vjetër, gazeta raporton se italiani mund të konsiderojë tërheqjen nga futbolli.
Gazeta tutje thotë se Juventusi është i gatshëm të dëgjojë ofertat për Merih Demiral, i cili kërkon garanci për kohën e lojës, por zbulon se Zonja e Vjetër do të nënshkruajë një mbrojtës të ri vetëm nëse ka largime të tjera përfshirë Chiellini.
La Gazzetta dello Sport raporton se portieri Gianluigi Buffon pritet të rinovojë kontratën e tij që skadon në qershor dhe të vazhdojë për një vit tjetër.
Klubi do të jetë i hapur për të vazhduar me veteranin si zgjedhja e dytë pas Wojciech Szczesny, pasi ai ka treguar se është ende i besueshëm.
