Gjici paralajmëroi masa ekstreme, zbulohet lojtari i parë që largohet nga Kukësi!
Mesfushori me tipare sulmuese, Matheus Leiria, është largimi i parë nga Kukësi pas eliminimit nga Kupa e Shqipërisë.
Presidenti Safet Gjici paralajmëroi për “Panorama Sport” pas ndeshjes me Teutën se do të ketë masa ekstreme dhe tashmë konfirmohet nga burime në klub, se braziliani ka prishur kontratën dhe sot ka marrë edhe letrat.
Leiria erdhi te Kukësi në shtator të vitit të kaluar, duke u konsideruar si përforcim i bujshëm. Ai luajti 23 ndeshje me fanellën e verilindorëve në kampionat, duke shënuar edhe dy gola.
