Trajneri i Chelseat, Thomas Tuchel po kërkon nga klubi që të bëhet një ofertë konkrete për mesfushorin e West Hamit, Declan Rice këtë verë, sipas raporteve nga mediat në Angli.
"Daily Telegraph" dhe "Metro", raportojnë se Chelsea është gati të ringjallë interesimin e tyre për lojtarin anglez pasi kishin provuar të merrnin shërbimet e tij në kohën e trajnerit Frank Lampard, përcjell KosovaPress.
Tani raportohet se edhe menaxheri aktual i Chelseat Thomas Tuchel është një admirues i Rice dhe trajneri gjerman ka dhënë mbështetjen e tij pas një oferte për transferimin e yllit të West Hamit.
Sipas "Daily Telegraph", pronarët e Chelseat nuk ishin të përgatitur për të përmbushur kërkesën prej 70 milionë funte të West Hamit për Rice verën e kaluar.
Mediat zbulojnë se Chelsea do të përballet me konkurrencën nga Manchester City dhe Manchester United pavarësisht vlerësimit të lartë të Rice nga West Hami.
