Tuchel ka të gjithë lojtarët në dispozicion për finalen e Champions League.
Dyshja e Chelseat, N’Golo Kante dhe Edouard Mendy do të jenë të gatshëm për finalen e Champions Leagues ndaj Manchester Cityt nesër.
Trajneri i Chelseas, Thomas Tuchel ka konfirmuar se e ka skuadrën e plotë për ndeshjen më të rëndësishme të sezonit.
Por, te Manchester City i ka kapur panika pasi Gundogan pësoi një lëndim në stërvitjen e fundit para finales.
Ai pati një duel me Fernandinhon me ç’rast u lëndua duke u larguar nga fusha më herët.
Përderisa City mund të mbetet pa mesfushorin kyç, Chelsea do të ketë në dispozicion Kanten, i cili u rikthye në stërvitje pas dëmtimit që pësoi ndaj Aston Villas.
Po ashtu, edhe portieri Mendy u rikthye pasi u lëndua në ndeshjen ndaj Aston Villës.
