Emerson drejt rikthimit në Itali, kërkohet nga Interi e Napoli!
Emerson Palmieri është pranë rikthimit në Serinë A. Mbrojtësi i Chelseat që do të luajë në Europian me Italinë, ka edhe një vit kontratë të mbetur me klubin anglez dhe ofertat më të rëndësishme i ka marrë pikërisht nga Seria A.
Interi kryeson garën për mbrojtësin e majtë i cili pëlqehej si nga Conte, por edhe nga Inzaghi tani, dhe për ta afruar fillimisht zikaltrit duhet të shesin.
Në garë me zikaltrit është edhe Napoli që ka nevojë për lojtarë krahu dhe Emerson admirohet edhe nga Spalleti, teksa Chelsea kërkon 20 milionë euro për kartonin e tij.
