Cristiano Ronaldo është lojtari që i ka shënuar më shumë gola Manuel Noyerit.
Ndonëse nuk luan në Bundesligë, sulmuesi portugez i ka shënuar portierit gjerman plot 10 herë. Asnjë lojtar tjetër nuk e ka arritur këtë shifër ndaj Nojerit.
Ronaldo i shënoi edhe ditën e djeshme Nojerit me Portugalinë, ndonëse goli i tij nuk vlejti për të marrë fitoren.
Vlen të theksohet se ai i ditës së djeshme, ishte goli i parë që Ronaldo i shënon Gjermanisë, ndërsa Nojerit në total në të gjitha kompeticionet i ka shënuar 10 herë.
E thënë ndryshe, portugezi është kthyer në një makth të vërtetë për portierin e Bajernit.
