250 mijë firma që të luhet përsëri Francë-Zvicër, sfidë e 1/8-ave të Euro 2020 që ka parë kampionët e botës në fuqi të eliminohen nga zviceranët me penallti.
Tifozët francezë duket se nuk e kanë gëlltitur akoma dështimin dhe kanë nisur një peticion në rrjetet sociale për të përsëritur ndeshjen për shkak të një parregullsie në momentin e penalltisë vendimtare të pritur nga Sommer.
Sipas atyre që kanë nënshkruar, portieri nuk e ka mbajtur një këmbë në vijën e portës siç e parashikon rregullorja.
Problemi është se VAR dhe imazhet zyrtare kanë përcaktuar menjëherë në fushë të kundërtën.
