Ndeshjet kur luan Kombëtarja e Kosovës në futboll i shikon të gjitha.
Këtë e ka treguar për vete, Adriatik Kelmendi si pjesë e panelit në emisionin sportiv “Evropiani Special”.
“Ndeshjet e Kosovës nuk i huq. Nëse nuk është Kosova, atëherë bëj tifo për Shqipërinë, nëse nuk është as Shqipëria që luan, atëherë e përkrah atë kombëtare në të cilën luajnë shqiptarët”, ka pohuar Kelmendi.
“Kur të eliminohen krejt [ato ku luajnë shqiptarët], atëherë jam për Anglinë”.
Sa i përket veprimeve të tifozëve që përdhosin flamujt e shteteve të tjera, ai ka thënë se janë veprime pa shije.
“Janë lojë me identitet. Patëm sot Paradën e Krenarisë që disa njerëz shprehin një vullnet dhe të tjerë që i mallkojnë dhe kërcënojnë. Nuk më pengon se çfarë bën tjetri”.