Trajneri i Anglisë, Gareth Southgate, ka lavdëruar ekipin tjetër gjysmëfinalist, Italinë.
Southgate tha se është i impresionuar nga skuadra e Italisë.
“Ata janë një ekip fantastik, më kanë bërë përshtypje qe 2 vjet tashmë. Roberto bëri një punë të shkëlqyeshme, për sa i përket detajeve taktike, stilit të lojës dhe më pas keni dy gladiatorë në mbrojtje, me shumë përvojë. Është një ekip fantastik, shumë i rrezikshëm ”, tha Southgate.
Anglia do të përballet me Danimarkën, kurse Italia me Spanjën për të caktuar dy ekipet finaliste të Euro 2020.
