Luiz Felipe Skolari rikthehet të trajnojë në moshën 72-vjeçare.
Trajneri i njohur i cili arriti të fitonte Botërorin në vitin 2002 me kombëtaren e Brazilit rikthehet për të katërtën herë në pankinën e skuadrës së Gremios.
Braziliani ka firmosur një kontratë deri në dhjetor të vitit 2022, duke zëvendësuar kështu trajnerin Tiago Nunjesh i shkarkuar nga skuadra e Gremios.
Ish-trajneri i kombëtares braziliane do të debutojë në derbi ndaj Internacionalit në fundjavë.
Me skuadrën e Gremios, Skolari ka mundur të fitojë Kupën e Brazilit në vitin 1994, Kupën Libertadores në vitin 1995 dhe kampionatin në vitin 1996.
