E ardhmja e sulmuesit francez do të jetë në stadiumin “Santiago Bernabeu”.
Sulmuesi Karim Benzema nuk do të largohet nga Real Madridi edhe nëse ky i fundit arrin të sigurojë shërbimet e Kylian Mbappes këtë verë, raporton “Marca”.
“Galaktikët” dëshirojnë me çdo kusht që ta përforcojnë repartin e sulmit këtë verë, ku edhe janë duke e monitoruar gjendjen e yllit të PSG dhe të Kombëtares së Francës.
Interesimi serioz në Mbappen nuk do të ndikojë në të ardhmen e Benzemas, ku ky i fundit pritet ta rinovojë kontratën e tij deri në vitin 2023.
Sezonin që lamë pas, Benzema ka bërë 46 paraqitje në të gjitha garat, duke regjistruar 30 gola dhe nëntë asistime për skuadrën e Real Madridit.