Lionel Messi e ka befasuar një tifoz të vetin të veçantë, i cili nuk është çfarëdo tifozi. Hernan Mastrangel është një tifoz unik me tregime të veçanta. Ai e shënon çdo gol të Messit në fletoren e vet.
Tregimi për Hernanin bëri bujë të madhe në rrjetet sociale sepse 100-vjeçari e shënon me dorë dhe një laps të thjeshtë çdo gol të Messit, qoftë ai për Barcelonën apo Argjentinën, në fletoren e vet.
Messi mësoi për Hernanin së fundmi dhe pasi e fitoi Kupën e Amerikës 2021 – trofeun e parë të madh dhe shumë të munguar me Argjentinën – vendosi ta përshëndes.
“Përshëndetje Hernan. Tregimi juaj arriti tek unë” thotë Messi.
“Më duket çmenduri që ju i keni regjistruar golat e mia në atë mënyrë dhe kjo është arsyeja përse unë dëshiroj t’ju dërgoj shumë përqafime për atë që jeni duke e bërë”, theksoi Messi drejtuar Hernanit.
