Gazetarja e mirënjohur e sportit në Kosovë, Qëndresa Krelani e ka bërë një deklaratë interesante në lidhje me trajnerin Tahir Batatina.
Deklarata e “Qeqës” vjen pas eliminimit të Llapit nga Liga e Konferencës.
Sipas saj, Batatina nuk është “trajner i futbollit, por vetëm sponsor”.
“Kjo çfarë ka ndodhur në Llap, nuk më duket aspak e habitshme”, ka deklaruar Krelani duke vazhduar:
“Unë dhe trajneri i Llapit e kemi një të përbashkët, nuk e kemi idenë se çfarë është me qenë trajner”.
“Në profesionet tona jemi shumë të mirë, unë jam gazetare e mirë dhe ai është sponsor shumë i mirë dhe këtu mbyllet gjithçka”, tregoi ajo.
“Futbollistët e Llapit kanë arritur shumë për faktin se nuk e kanë një trajner”, shtoi “Qeqa” Krelani.
