Klubi anglez, Chelsea po mendon për transferimin e mbrojtësit të Juventusit.
Bëhet fjalë për lojtarin holandez, Matthijs de Ligt, i cili ky i fundit është duke e menduar largimin nga Juventusi gjatë kësaj vere.
Sipas medies italiane, “Calcio Mercato”, “Blutë”, janë duke përgatitur një ofertë në drejtim të Juventusit.
Chelsea është e gatshme të ofrojë 60 milionë euro, dhe shërbimet e sulmuesit gjerman, Timo Werner për të arritur te Juventusi.
De Ligt nënshkroi me “Zonjën e Vjetër” më 18 korrik 2019 me një kontratë pesëvjeçare për një tarifë prej 75 milionë euro.
