Jose Mourinho e ka nisur mbarë aventurën te Roma.
Mourinho e ka nisur me fitore aventurën e tij te Roma, pasi mposhti 3-1 Fiorentinën në xhiron e parë.
Kanë mbetur vetëm edhe pak ditë deri në përfundimin e afatit kalimtar të verës më 31 gusht, trajneri u pyet nëse i duheshin akoma mesfushorë për të kompletuar ekipin.
“Kur them se çdo gjë mund të ndodhë në treg, dua të them që dera është e hapur si për hyrje ashtu edhe për dalje, gjasat janë më të mëdha që të ketë largime”.
Portugezi gjithashtu u pyet nëse është i lumtur me futbollistët që ka në ekip.
“A njihni ndonjë trajner që është plotësisht i kënaqur me skuadrën e tij? Ndoshta Mauricio Pochettino, por askush tjetër”, tha Jose Mourinho për Sky Sport Italia.
Paris Saint-Germain transferoi Lionel Messin, Gianluigi Donnarumma, Sergio Ramos dhe Georginio Wijnaldum këtë verë si agjentë të lirë, ndërsa shpenzoi 70 milionë euro për Achraf Hakimin.
