Nënshkrimi i Mbape nga Real Madridi mund të jetë çështje orësh.
Sidoqoftë, PSG vazhdon të japë një imazh të fortë dhe të mohojë atë që shumë media në të gjithë botën e kanë raportuar tashmë: parizienët janë afër pranimit të ofertës 170+10 milionë euro nga klubi spanjoll. Përderisa nuk është ende zyrtare, sheiku Al Khelaifi dhe vartësit e tij do të qëndrojnë në linjën që kanë mbrojtur deri më tani.
Sebastián Quadrelli, gazetar i La Sexta dhe El Chiringuito, i dërguar në Paris për çështjen speciale të Mbappé, ka pasur mundësinë të flasë me Leonardo në qendrën stërvitore të PSG: “E vetmja gjë që mund të them është se asgjë nuk ka ndryshuar në dy ditët e fundit”.
Pozicioni të cilit i referohet drejtori sportiv i parizienëve janë deklaratat që ai bëri vetë, në të cilat e përshkroi ofertën e Real Madridit si “të pamjaftueshme” dhe shpjegoi se nuk do të ishin të gatshëm ta shisnin Mbappe nëse nuk merrnin 180 milionë euro, sa investuan për ta blerë atë. Ndërkohë, në zyra pozicionet e dy klubeve duket se po afrohen.
