PSG-së përballë do të ketë skuadrën e 2 futbollistëve shqiptarë!
Momenti i shumëpritur erdhi! Leo Mesi bëhet gati për debutimin me PSG-në në kampionat.
Ylli argjentinas do të jetë në fushë ditën e sotme, në transfertën ndaj Reims, skuadrës ku bëjnë pjesë dy shqiptarët e Kosovës, Valon Berisha dhe Arbër Zeneli, ky i fundit është duke vuajtur një dëmtim të rëndë në gju dhe nuk do të jetë i gatshëm, teksa Berisha pritet titullar.
Përballja do të startojë në orën 20:45, teksa PSG ka publikuar pak minuta më parë, foton ku njofton zhvillimin e takimit të vlefshëm për javën e katërt të Ligës 1 të Francës, teksa është zgjedhur imazhi i Leo Mesit dhe Markuinjos.
