Kryetrajneri i Llapit nga Podujeva, Tahir Batatina, është kategorik se skuadra e tij është dëmtuar në përballjen me Dritën në. Gjilan.
Ballafaqimi mes këtyre rivalëve në kuadër të javës së dytë të elitës së futbollit të Kosovës, përfundoi me rezultat 0:0.
“Jam krenar me ju luana. Ju treguat se jeni forca e këtij kampionati dhe se vendimet e padrejta ua humbën 2 pikë të rëndësishme, por ne u treguam se koha e qytetit të futbollit ka ardhur dhe në fund do të gëzohemi së bashku me ‘Legjendat’ dhe qytetarët e Llapit dhe Gollakut.
Unë gjatë gjithë kohës kërkoj të këtë vetëm drejtësi.
Tash e shikova vendimin e gjyqtarëve tek VAR-i dhe po bindem se paskan gabuar me anulimin e golit sepse lojtari ynë ishte në lëvizje kurse lojtari kundërshtar e humb kontrollin dhe koncentrimin gjatë vrapimit pas lodhjes dhe nuk paska qenë fare faull ku edhe u anulua goli.
Këtë rast vlerësojeni ju njerëzit e futbollit dhe ju adhurues të futbollit kosovar!!!”, ka shkruar Batatina në profilin e tij në facebook.
